Apa saja pola, kebiasaan, tingkah laku, dan sifat yang menjadi penyebab orang-orang menjadi gagal? Ken Avoy, president dari SiteSell telah menulis sebuah booklet yang mungkin bisa kita jadikan bahan untuk meneliti dan menelaah kembali apakah kita punya sifat-sifat orang-orang yang gagal. Dan apakah benar sifat-sifat itu yang bikin kita jadi gagal. Berikut ini 12 sifat penyebab kegagalan:

1. Suka Menyalahkan

Menurut Ken... kite pasti bakalan menemui kegagalan seandeinye kite selalu aje mudah marah dan cepat emosi tatkala kite menemui kesulitan. Sifat mudah marah, dan merajuk, lalu mencari-cari kesalahan pade sesuatu atau pade orang lain, kaga pernah bisa membuat kite jadi orang nyang sukses. Sifat kayak begini kata si Ken, bukanlah sifat nyang dimiliki oleh orang nyang sukses atawa kepingin sukses. Sebab ape sodare-sodare? Sebab, menurut si Ken tadi, orang nyang selalu menyalahkan orang lain, atau selalu mencari kesalahan di luar dirinye, kaga pernah bisa belajar untuk mengetahui kelemahan dan kekurangannye. Akibatnye, dia kaga pernah bisa memperbaiki kekurangannye.

Bener juge ye penonton. Emang lebih mudah ye, mencari dan menyalahkan orang lain atas nasib nyang menimpe diri kite. Emang sih, dengan menyalahkan sesuatu, atawa seseorang, kite jadi merase terhibur. Kite jadi merase bahwa kegagalan ntu bukan salahnye kite. Tapi ape dengan berbuat seperti ntu akan memperbaiki nasib kite? Ane rase kaga tuh penonton. Bener kate si Ken, dengan selalu melihat keluar dan bukannye kedalem, kite kaga bakal pernah tahu dan nemu'in kekurangan dan kelemahan nyang ade pade diri kite.

2. Skeptis

Skeptis ntu apa'an ye bang? Ane juga kaga tahu tuh mpok! Mendingan kite tanye aje ame si Ken aje. Kalo kate si Ken sih, sifat skeptis nyang dimaksudnye disini, yaitu sifat selalu merase curige, buruk sangke, ato kalo kata pak kyai sifat su'uzon. Sifat ini tande-tandenye misalnye kite kaga pernah percaya saat ada orang nyang mau berbuat baek ame kite, kite kaga pernah percaye saat orang mengatakan bahwa kite bisa juga sukses kalo kite melakukan ini atau itu.

Tanpa pernah menyelidiki, memikirkan terlebih dulu, Kite cepet aje curige ame tuh orang, dalem ati kite curige same ape nyang diomoginnye. Kite curige, tuh orang pasti ade maunye ame kite. Kalo kaga, masak iye die mau baek-baek ame kite. Tuh orang pasti pure-pure nye aje baek. Pikiran seperti ntu nyang bakal merusak masa depan kite, ntu kata si Ken. Ape iye ye? Ape dengan memiliki sifat seperti ntu bukannye kite malah jadi aman dari kelicikan orang?

Curige sih boleh aje mpok, malah kadang curige emang perlu. Kaga semua orang ntu punya niat baek, kite kudu tahu ntu, kalo sifat nyang ntu mungkin kaga merusak. Nyang merusak contohnye adalah sifat curige yang membabi bute, pukul rate, semuenye same, menurut kite kaga ade orang nyang jujur. Semue orang nyang baek-baek ntu pasti cume pure-pure. Nah... sifat nyang kaya begini nih mpok... nyang bakalan ngerugi'in kite.

Koq bise? Ya iyelah mpok. Sifat curige pukul rate mungkin emang bisa bikin kite aman. Tapi menurut si Ken, dengan mempunyai sifat seperti ntu, kite bakal kehilangan banyak kesempatan emas. Contohnye, saat ade orang nyang menawarkan suatu peluang ame kite, dan karene kite punya rasa curige nyang berlebihan, kite tolak tuh orang mentah-mentah. Nah... pegimane ceritenye, seandainye ternyate tuh orang emang berniat baek ame kite?

Ntu artinye kite sudah melewatkan satu kesempatan begitu aje. Ilang dah rejeki nomplok. Inget kate pepatah mpok, jangan pernah menolak rejeki, sebab mungkin aje dia kaga bakal balik lagi. Sekali kite menolak, due kali menolak, tige kali tetep aje menolak, ane yakin lame-lame kaga bakalan ade orang nyang mao nawarin rejeki ame kite lagi. Dan akibatnye? Rejeki kite makin jauh aje, cape deh.

3. Ingin Kaya Mendadak

Menurut si Ken nih mpok, semue orang nyang ade didunie ini pasti setidaknye punye keinginan untuk kaye raye. Tapi sayangnye, kaga semue orang bise kaye. Mungkin udah dari sononye kali ye? Mungkin juge! Akan tetapi mpok, ade satu penyakit nyang bise bikin orang bukannye jadi kaye, malah jadi tambah suse aje. Penyakit ntu adalah sifat ingin cepat kaye dengan cara nyang instant, care nyang kaga perlu pake kerje.

Penyakit ni gejalenye adalah selalu ingin mencari care nyang paling gampang buat kaye. Jike kite sudah tertular penyakit ini, kite jadi orang nyang percaya bahwa diluar sane pasti ade orang nyang menjual mesin pencetak uang, kite cuman perlu mencari dan menemukannye. Dan ape akibatnye mpok, kite bakal mudah kena tipu. Tapi parahnye lagi mpok, biar sudah sering kena tipu, kite tetep aje yakin bahwa masih ade mesin pencetak uang nyang lain di luar sane.

Kenape sifat ni bisa ngerugi'in kite mpok? Sebab, kalo dipikir-pikir, dengan percaye bahwa ade mesin pencetak uang diluar sane, nyang bisa membuat kite kaye tanpa perlu ngerja'in ape-ape, kite bakal jadi orang nyang malas. Kite cuman ingin mencari nyang enaknye aje. Kite kaga bakal mao belajar dan berusahe mencari cara nyang sebenernye, dan akibatnye? kite kaga bakal nemu'in jalan nyang bener ntu!

4. Ingin Serba Mudah

Lha.. bukannya ini adalah sifat semua orang bang? Siape nyang mao susah? Betul mpok! Tapi kate si Ken, seandeinya saja semua itu bisa serba mudah, pasti kaga akan ada orang nyang gagal, semue orang pasti udah kaye raye. Sifat ingin mencari nyang mudah-mudah aje ni nyang bisa bikin orang kaga pernah sukses. Contohnye?

Misalnye gini, misalnye kite kepingin blog atawa situs kite punye penghasilan nyang tinggi di internet. Nah... dengan semangat dan keyakinan bahwa untuk bisa mendapatkan itu pasti ada care nyang mudah, nyang kaga perlu melakukan ape-ape, akhirnye kite coba-coba cari informasi mengenai affiliasi. Lalu ape kire-kire nyang bakal terjadi saat kite membace artikel-artikel nyang dibuat oleh para pakar affiliasi?

Kite marah, kite sewot, koq susah amat seh, ape kaga ade care nyang gampang! Ntu makian kite! Ape sudah ntu kite berhenti? Kaga juga sih mpok, kite masih punye keyakinan bahwa diluar sane pasti ade care nyang paling gampang buat ningkatin penghasilan. Care nyang kaga perlu pake melakukan ape-ape, kaga perlu buat website, kaga perlu nulis artikel, kaga perlu cari-cari keyword, kaga perlu modal, pokoke kaga perlu melakukan ape-ape.

Bahkan lebih parahnye lagi nih mpok, kite yakin bahwa sangat mungkin diluar sane ade orang nyang mau ngerja'innye buat keuntungan kite. Begitu deh mpok, intinye, kite ingin semuenye orang nyang ngerja'in, oh bukan itu aje mpok, selain gampang, juga gratis, kaga pake bayar, kaga pake duit. Jadi kite kaga perlu repot-repot, kite tinggal menikmati hasilnye aje. Biarlah orang lain nyang ngerja'innye, dan dapet susahnye, ane mao enaknye aje. Nah, sifat kaya begini nih mpok, nyang dimaksud oleh si Ken. Sifat kaya begini nih nyang kaga pernah bisa bikin kite jadi orang sukses.

5. Pendengki

Kalo nyang ini ni bukan cuman si Ken nyang tahu, kite juge udah pade tahu ye mpok. Kalo dipikir-pikir, kasian ye mpok orang nyang punye sifat kaya gini. Idupnye pasti kaga pernah tenang, apelagi senang. Orang nyang dengki selalu memble aje. Liat orang punya blog bagus die setress, liat orang punya rangking tinggi, die sakit ati, liat orang dapet duit dari adsense, die kelojotan ampe meriang, kasian ye mpok.

Mpok juge pasti tahu ape akibatnye kalo kite punya sifat kaya gini. Rejekinye makin jauh mpok. Kite kaga akan pernah punya teman. Semua orang gerah kalo dideketnye, sebab kerjaannye ngutukin aje. Semue orang dikutuknye. Ape die mo jadi nenek sihir kali ye? Dikit-dikit ngutuk.

6. Merasa Kurang Pintar

Nah... penyakit kaya gini sih umum kite temu'in dan alamin ye mpok. Kite sering mudah minder, frustasi, dan akhirnye depresi, untung aje kite kaga bunuh diri. Faktor otak sering kite jadiken alasan sebagai penyebab kegagalan. Ape iye ntu salah otak kite? Coba kite pikir lagi deh mpok. Ape semua orang nyang kite anggep sukses ntu otaknye brilian? Kaga juga kan mpok. Banyak koq orang nyang kita anggep lebih o'on dari kite, eh malah hidupnye lebih sukses dari kite, kasian ye kite.

Jadi mpok, ape bener nyang salah ntu adalah otak kite? Mental kite nyang salah kali ye mpok. Kite udah minder duluan, kalah mental, menyerah sebelum mencoba. Intinye, kite sudah gagal jauh sebelum kite memulai ape-ape. Bener kaga kire-kire pendapat ane ini mpok, protes aje mpok kali ane sale.

7. Suka Curang

Ini nih mpok, penyakit kite satu lagi. Mungkin ini karena kite mau ambil gampang nye aje kali mpok ye. Dan karena tidak semuenye gampang, ya udah, kite ambil jalan nyang kite anggep paling gampang, yaitu curang. Dan parahnye lagi nih mpok, kite pikir dengan berbuat curang berarti kite adalah orang nyang pintar. Orang nyang kepintarannye melebihi kepintaran orang kebanyakan.

Saking pinternye kite, dengan gampang kite tipu orang-orang nyang ade disekitar kite. Ape care ini menguntungkan? Pasti mpok, kalo kaga, kaga bakalan ada dah para penipu disekitar kite. Untung sih untung mpok, cuman masalahnye, ampe kapan kite bisa terus menipu orang lain. Seo'on-o'on orang, rasanye kaga bakalan deh bisa kite tipu berkali-kali. Sekali dua mah mungkin aje, tapi untuk seterusnye?

8. Pengkritik

Lho... bukannye kritik ntu bagus bang? Bener mpok, tapi liat dulu ape tujuannye. Sifat pengkritik nyang dimaksud oleh si Ken disini adalah mereka nyang menobatkan dirinye sebagai Mr. Bad Guy. Nyang kerjaannya cuman pingin mengacau dan merusak suasana. Kaga ada nyang bener dimatanye, semuanye salah. Semua orang di kritiknye, semua hal dibencinye.

Apepun, kapanpun, dimanapun, dalam situasi pegimanepun, bisa ga bisa, sempet kaga sempet pokoknye kritik dulu. Mending kalo bisa kasih solusi. Lha... ini cuman bisa kasih kritik tapi kaga bisa kasih ape-ape. Nah... ape ruginye punye sifat ini bagi kite mpok? Mungkin kite kaga akan pernah melihat dan merasakan indahnye dunie kali ye mpok. Kite memandang dunie dengan penuh kebencian. Ape kire-kire kite bakal sukses ye... kalo seandainye kite punya pandangan seperti ntu?

9. Perfectionist

Sifat ni, kata si Ken sebenernye ade bagus nye juge. Orang nyang punye sifat ni, sebenernya adalah orang nyang sangat layak untuk sukses. Orang nyang punya sifat seperti ini, biasanya adalah pekerja keras. Mereka punya keahlian dan kemampuan nyang memang dibutuhkan buat sukses. Lalu ape salahnye punya sifat ini bang?

Ya ntu tadi mpok, karena ingin semuanye serba sempurne, die seringkali menghabiskan terlalu banyak waktu dan tenage, mungkin juge biaye, untuk melakukan sesuatu secara berulang-ulang. Padahal sesuatu ntu bukanlah hal yang terlalu penting untuk dirisaukan. Dan, padahal die juge tahu kalo di dunie ini mane ade nyang betul-betul sempurne, betul kaga mpok?

Orang nyang punye sifat perfectionist, langkahnye seringkali tertunde. Padahal die sebenernye udah punya cukup kemampuan untuk melakukannye. Tapi karena die selalu, dan selalu bisa menemukan kekurangan pada dirinye, dan die ingin semuenye sempurne seutuhnye dulu baru maju, maka hal itu nyang malah membuatnya jadi kaga pernah maju. Die cuma muter-muter aje. Bolak-balik buat ngerjain hal nyang same.

10. Mudah Menyerah

Cry... don't try... itu istilah inggrisnye mpok. Jangan pernah mencoba, nangis aje. Kasian ye mpok. Rugi besar ye mpok kalo kite punye sifat kayak gini. Kite udah gagal jauh sebelum kite mulai. Jadi, kapan kite bakal sukses kalo kite cuma mikirin dan yakin bahwa kite bakal gagal? Sifat ini kaga akan pernah membawa kite kemane-mane mpok, selain ke tempat orang-orang gagal kali ye?

11. Pengeluh

Ane kaga tahu ape istilah nyang lebih tepatnye. Tapi dari pemahaman nyang bise ane tangkep dari ape nyang ditulis oleh si Ken, kata inilah nyang ane rase paling cocok. Menurut si Ken, sifat selalu mengeluh, merintih, dan menghiba, selalu ingin dibantu, didorong, bahkan dirayu-rayu agar mau maju, kaga akan pernah benar-benar bisa membuat orang jadi maju. Bahkan setelah dibantu sekalipun, orang nyang punya sifat seperti ini ni mpok, tetep aje ngeluh.

Semuenye serba sulit, semuenye serba rumit baginye. Baca ini, coba ini, cari disitu, bahkan dengan semua petunjuk nyang paling jelas sekalipun, nih orang tetep aje ngeluh. Susahlah, mahal lah, rumit lah, inilah, itulah, pokonye ade aje keluhannye. Die tahu aje caranye biar orang kasian.

Nah.. kalo kite punya sifat kaya gini ni mpok, kite kaga akan pernah jadi orang nyang mandiri. Kite akan selalu mencari orang lain untuk memberikan bantuan. Kite jadi selalu ingin mengandalkan orang lain. Ape ade orang nyang bisa sukses dengan sifat seperti ini mpok? Nyang ade orang malah sebel ame die, maonya dibantu mulu, tapi tetep aja kaga maju-maju.

12. Sok Pintar

Orang seperti ini sebenernya emang bener-bener pinter. Dan orang kaya gini ni mpok, tidak akan pernah melewatkan satu kesempatan sekalipun. Itu dilakukannya bukan hanya dengan tujuan untuk menunjukkan kepintarannya, melainkan untuk menunjukkan bahwa dia jauh lebih pintar dari orang lain. Ciri-cirinye? Mpok pasti tahu, yaitu orang nyang kerjaannye mau pamer melulu.

Mpok bisa tahu sifat ini saat mpok melihat seseorang nyang selalu ingin show, selalu ingin mengalahkan orang lain, selalu ingin terlihat hebat dan pintar. Ape salahnye punya sifat kaya gitu bang? Kan kaga ade salahnye sedikit pamer ame tetangge? Bener mpok, pamer sih boleh-boleh aje, malah kadang perlu juge sekali-kali ye. Tapi, kalo keseringan, ape bukannye orang malah jadi sebel? Bener juge ye mpok.

Lalu ape pengaruhnye ame kesuksesan kite bang? Menurut si Ken mpok, kalo kite punye sifat seperti ini, kite jadi cenderung angkuh dan sombong. Kite selalu menilai rendah orang lain, semue orang kite anggep kaga punya kemampuan. Dan akhirnye, kite jadi kaga pernah mau menerima pendapat orang lain. Kite terlalu percaya diri, kite kaga mau dinasehati, akibatnye?

Nah... tuh die mpok... sifat-sifat, sikap-sikap nyang bakalan ngerugi'in dan membuat kite jadi kaga sukses. Ape bener semue nyang dibilangin si Ken ini ye? Ape semuanye ini cuman rekayasa si Ken aje kali ye ? (skeptisisme).