Google idolaku... menurut ane, motto ini sepertinye cukup beralasan dan kaga berlebihan. Ane punye prinsip Google emang pantes dijadikan temen, ato sahabat. Pegimane kaga jadi sahabat, udah buanyak banget jasa nyang diberikennye, walau ane belum bise membalasnye. Jika elo termasuk salah satu orang nyang sering nyari ape-ape di internet, kaga bisa tidak dah, lo pasti pernah utang jase ame Google.

Rasenye udah terlalu buanyak buku-buku, atau artikel-artikel nyang berisi tentang manfaat Google di internet. Bosen juge kali ye. Tapi koq, ane masih nekat juge mo nulis tentang Google dan potensi tersembunyi nye. Ga ape-ape kali ye, biarin aje. Orang ya orang, gue ya gue. Mo ngebaca syukur, kaga ya kaga ape-ape, gue kaga bise makse (koq jadi sinis). Tapi buat elo nyang mo ngebaca, nyok kite bahas ape aje potensi Google nyang katenye masih tersembunyi!

Google Sebagai Alat Riset

Eh.. sodare-sodare, konon ye, Google ntu selain sebagai pemberi traffik, die juge bise kite dijadiken sebagai alat untuk melakukan riset di internet. Mo cari ape? Mo riset ape? Dengan milyaran halaman nyang telah diindexnye, masak satu aje kaga ade nyangkutnye. Tapi dengan milyaran halaman ntu, bukannye kite malah jadi tambah pusing milihnye?

Nah tuh die masalahnye sodare-sodare ye. Jika ternyate hasil pencarian yang ditampilin oleh Google terlalu banyak, mungkin jutaan, bahkan mungkin ratusan juta, ntu mungkin karena sewaktu mencari, kite make kate nyang terlalu umum, terlalu luas pengertiannye, sehingge hasilnye pun kurang akurat. Lalu, bagaimana caranya supaya hasil pencarian lebih akurat?

Nah... kebetulan sodare-sodare, ceritenye nih ane kebetulan punya ebook nyang ngejelasin pegimane carenye biar hasil pencarian kite di Google bisa lebih akurat. Moge aje sodare-sodare tertarik untuk membelinye... hehehe becande aje sodare-sodare. Ane kaga berhak ngejual ebooknye. Mending ane tulisin aje kali ye.

Agar Pencarian Di Google Lebih Akurat

1. Kombinasi Kata - Kalo cuman satu kate, maka wajar jika hasil pencarian nyang ditawarin Google sangat amat banyak. Melakukan pencarian dengan hanya satu kata saja, tidak akan memberikan kite hasil yang akurat. Jadi kite kudu pake beberape kata sebagai kombinasinye.

2. Huruf kapital - Google ntu ye sodare-sodare, ternyate goblok juge. Die kaga bisa ngebeda'in mane huruf besar, dan mane huruf kecil. Kaga lulus SD kali si Google ye, masak huruf besar ame huruf kecil aje kaga tahu. Udadah... maklumin aje ye. Tapi ade enaknye juge kali ye, dengan tidak membedakan huruf besar dan huruf kecil, kite jadi kaga perlu repot mengulang pencarian dengan kombinasi huruf nyang laen-laen, toh hasilnye ame aje.

3. Kata sambung - Kata-kata seperti "di", "untuk", "yang", katenye kaga perlu kite pake. Ape iye ye? Kaga tahu juga neh sodare-sodare, soalnye ebooknye pake bahasa Inggris seh. Dan kata-kata sambung dalam bahasa inggris kan beda ama kata-kata bahase kite. Kalo di ebook ntu, kate-kate nyang dicontohinnye misalnye, "the, an, of, in, where, who, dan is." Nah kalo bahase kite? Same aje kali ye, kaga percaye? Coba aje!

4. Berbentuk Kalimat - Nah.. kalo pake kombinasi kate ternyate hasilnye kaga muasin ati juge, coba deh pake dalam bentuk kalimat secara lengkap. Jangan lupe untuk pake tanda kutip (") diawal dan diahir kalimatnye. Dengan begitu, Google akan mencari halaman nyang paling mirip dan pas dengan kalimat ntu. Coba aje ye!

5. Urutan Kata - Nyang ini untuk mengubah susunan atau urutan halaman nyang ditampilin oleh Google. Jumlah halaman nyang ditampilinnya sih kaga berubah, tapi urutannye aje nyang diubahnye. Kalo sodare-sodare menggunakan beberapa kata, coba deh ubah-ubah urutan katanye, pasti ntar urutan halaman nyang ditampilin juge berubah.

6. Tunggal dan Jamak - Nah..ini lagi-lagi cuman buat sodare-sodare nyang nyari pake bahasa Inggris. Kalo bahasa Inggris itupan untuk membedakan kata jamak dan kata tunggal kita tinggal menambahkan huruf "s" ato huruf-huruf lain aje dibelakangnye. Misalnye, girl (tunggal), jadi girls (jamak). Kata nyang punya ni ebook, Google akan membedakan kata ini. Ternyate si Google ini tahu aje mane orang nyang cuman nyari satu cewek, ame orang nyang nyari banyak cewek.

7. Ketepatan Kata - Google ini sodare-sodare, ternyate jeli juge matenya. Dia tahu betul mane halamannya berisi kate-kate nyang paling mirip dengan kate nyang kite cari. Si Google ni tetep aje akan membedakan walau mungkin sebenernye kite ntu salah ketik.

Misalnya kita masukkin kate "web desing" padahal kan maksudnye "web design" Nah.. si Google ini kaga mau peduli sodare-sodare, die tetep aje mencari halaman nyang ade tulisan "web desing" nya, dan jika ternyata ade, maka halaman ntulah nyang akan ditunjukkinnye. Bego juge ye si Google ni, eh.. nyang bego die ape kite?

8. Gunakan Wildcard - Wildcard disini maksudnye bukan kartu liar ye sodare-sodare. Yang dimaksud wildcard disini adalah pengunaan karakter * atau tanda bintang. Contohnye kite kepingin nyari semua nama-nama blog yang ada di blogspot, maka kite bisa menggunaken keyword seperti ini *blogspot.com. Ntar keliar deh name-name blog nyang ade di blogspot.

9. Gunakan Rentang - Maksudnye gunakan range atau pembatas. Ini buat sodare-sodare nyang melakukan pencarian menggunakan angka. Misalnye sodare kepingin mencari data tertentu yang dimulai dari tahun 2000 ampe tahun 2008. Maka sodare-sodare bisa menggunaken range seperti ini 2000..2008.

10. Operator Boolean - Sodare-sodare pasti udah pade tahu ape nyang dimaksud dengan operator boolean ntu. Tapi... untuk jage-jage kali aje ade nyang belon tahu... operator boolean ntu cara kerjenye mirip dengan perhitungan matematika. Misalnya tanda tambah atau plus (+), dan tande kurang ato minus (-). Care makenye?

Begini sodare... Misalnye kite ingin mencari halaman yang ade kate belajar ame ade kate internet nye. Nah.. ntu artinye kite kudu pake operator plus, atau menggunakan kata AND. Inget ye sodare-sodare... kata AND-nye harus huruf besar semue. Sebab kalo kaga ntar google mengira bahwa kata and ntu bukannye operator boolean. Ntu artinye kite kudu masukin kata seperti ini belajar AND internet.

Nah sekarang coba sodare masukkin kata seperti ini, belajar internet aje. Same kaga hasilnye? Beda bukan? Jangan cuman liat nyang peringkat satunye aje dong, liat juge nyang dibawahnye.

Nah... kalo ntu untuk operator plus ato tambah, sekarang untuk operator lainnye, yaitu operator OR nyang kalo kite Indonesiaken artinye adalah atau. Sekarang coba sodare-sodare masukkin kata seperti ini belajar OR internet. Coba bandingkan hasilnye, same kaga?

Selain AND dan OR, Google juga mengenal operator minus atau kurang (-). Operator ini untuk menampilkan halaman yang terdapat kata awal yang kite cari, namun tidak mengandung kata yang kite kasih tanda minus di depannye. Sekarang coba sodare-sodare masukkin kata seperti ini belajar -internet. Nah.. hasilnye beda bukan?

Nah... sodare-sodare... cukup segitu dulu ye ceritenye... Sepertinye artikel ini udah kepanjangan, kasian ntar nyang bacenye kecape'an. Ntar ane juga nyang dimarahin. Udah dulu ye, besok-besok kite sambung lagi.