Masih dengan logat Betawi... kali ini ane kepinging banget pamer... eh salah maksudnye... nyerita'in tentang sebuah buku. Ceritenye nih ane baru dapet sebuah buku, buku itu aku dapat dari ibu, karena rajin membantu. Kring.. kring... ade sepeda... sepeda ku roda dua... kudapat dari ayah.. karena rajin bekerja... eh koq jadi ngawur neh...

501 Web Site Secret by Michael Miller, ntu judul bukunye. Nah... pasti diantara sodare-sodare sekalian ade nyang udah kaga sabar dan pengen segera komentar lalu berkata "ape bagusnye sih buku ntu? Pan banyak buku-buku seperti ntu, apelagi di toko buku, udah ah... kabur aja."

Nah.. buat sodare-sodare nyang masih betah dan masih kepengen tahu ape nyang akan ane cerita'in, nyok same-same kite bahas ape kire-kire manfaat nyang bisa diberikan oleh nih buku. Rahasie ape nyang dimaksud oleh si pengarangnye. Dan nyang paling penting tentunye... Ape manfaat mengetahui rahasie ntu buat hidup dan kehidupan kite, terutame kehidupan kite di internet.

Didalem buku ini, rahasia-rahasia nyang ingin disampeken oleh si penulis, dikumpulin dalam empat bagian utama, yaitu:

Rahasia Dari Portal-portal di Internet

Pada bagian ini, si penulis ingin nunjukin ape dan dimane aje portal-portal nyang ade di internet. Pasti diantare sodare-sodare ade nyang mulai sinis lagi dan berkate "apa'an tuh portal, ape pentingnye maen-maen dengan portal di internet, ape manfaatnye tahu rahasia portal...." dan beberapa pertanyaan sinis lainnya. Kaga ape-ape... ane maklum koq, kate orang kalo mao jadi Blogger ntu harus kebal di-sinis-in.

Portal ntu ye sodare-sodare, adalah tempat nyang paling rame dan paling banyak di kunjungin orang di internet. Disane tempat berkumpulnye segale macem manusie. Manusie-manusie dari berbagai macem suku, bangse, agame, negare, bahase, warne, dan tentunye dengan segala macem rupe dan rase. Nah... sekarang udah bisa kebayang ape kire-kire manfaatnye portal buat kite? Blooon?

Baeklah... ane coba dengan sedikit pancingan. Dimane tempat beredarnya uang nyang paling banyak? Di Bank, pasar, Supermarket, Mal-mal, di.... pokoknye ditempat nyang rame dan banyak orang ngumpulnye, betul? Nah.. seandeinye kite kepingin nyari duit, katakanlah dengan cara berdagang, ape kite akan cari tempat nyang sunyi dan sepi, ato tempat nyang paling rame didatangi? Begitu deh kire-kire manfaat portal di internet.

"Okelah... portal emang ade gunenye buat mereka nyang pengen nyari duit di internet, lalu buat mereka nyang pengen nyari jodoh, teman, kawan, karyawan, simpatisan, atau mungin juga traffik, ape portal juge bisa memberikanye?" Pertanyaan mu masih terdengar agak sinis. Tapi biarlah... ane masih tetap kepingin menjawabnya, dan jawaban ane adalah BISA!!!! (agak berteriak).

"Gimane cerenye?" Nada suara mu mulai terdengar agak merdu (mungkin karena teriakan ku itu). Carenye? Ntu die tadi... ntu nyang ane harepin dan pengenin saat ane kepingin ngebaca nih buku. Kali-kali aje rahasie-rahasie nyang ade di buku ini bise ngebantu ningkatin traffik ane.

Rahasia Dari Search Engines di Internet

Bagian kedua dari buku ntu mengisahkan kepada kita tentang ape-ape aje rahasia dari beberapa search engine utama nyang ade di internet, yaitu rahasia-rahasia dari Google, AllTheWeb, Ask Jeeves, AltaVista, dan HotBot. Koq Yahoo kaga disebut ya? Oh.. iya... untuk Yahoo... semua rahasianya udah disingkapkan pada bagian satu, selain search engines, Yahoo itukan termasuk portal juga.

Ininih... bagian ini nyang ane paling demen... sebab ape sodare-sodare? Sebab... mengetahui rahasia-rahasia search engine ntu kan penting banget buat kite-kite nyang sering nongkrong di internet. Coba sodare-sodare bayangin, khayalin, pikirin... enak mane antara orang nyang kaga tahu rahasie ame orang nyang tahu rahasie? Ntu mungkin tergantung dari jenis dan isi rahasienye kali ye?

Rahasia Dari Situs-situs Berita dan Informasi

Kalo nyang ini ni... ane sebenernya agak males... soalnye... pada bagian ketige ini membeberkan rahasia dari situs-situs berita. Yaitu CNN, ESPN, CBS, Weather.com ame Microsoft.com. Itupan situs berita semue, kaga ade lucu-lucuannye, pusing ngebacanye, serius aje, ntar cepet tue, bau tane. Tapi buat sodare-sodare nyang hobi bace berite, terutame berita dari luar negeri, boleh deh baca bagian ini.

Rahasia dari Situs-situs Belanja Online

Nah.. kalo nyang ini, ame lebih demen lagi. Sebab ini ade sangkut pautnye ame mereka nyang kepingin belajar bagaimana cara berbisnis di internet, seperti ane, ato mungkin juge seperti sodare-sodare. Ane penasaran banget pingin tahu rahasie-rahasie ape aje nyang bakalan di singkapin oleh si penulis. Ape si penulis bakalan ngungkapin rahasie-rahasie nyang memalukan? Menggelikan? Menyebalkan? Kite tunggu aje kelanjutannye ye...