Eh.. si mpok, ketemu lagi kite. Eh... mpok, pernah denger tentang BlackBerry kaga? Bukan mpok, BlackBerry yang aye maksud ini bukannye sejenis buah berry, juge bukan sejenis boneka Teddy Bearry, ape lagi yang sejenis dengan penyakit berry-berry. BlackBerry yang aye maksud ini, adalah sejenis phonecell, atau PDA.

Pernah denger mpok? Atau malah mpok sudah punya? Wah, enak kali ye mpok ye, kalo punya BlackBerry ntu? Kite bisa melakukan banyak hal. Tapi, mahal kaga ye, harga BlackBerry ntu mpok? Kalo ditukar beras, dapet berapa karung tuh mpok? Eh.. uh.. sorry mpok, aye mikirnye emang kaga pernah bisa jauh dari beras.

Kapan ye, aye bisa kebeli nyang namenye BlackBerry ntu? Kalo untuk sekarang sih boro-boro aye bisa kebeli BlackBerry mpok, makan buah Berry nye aje, aye kaga pernah tuh mpok. Kasian yeh aye, kasian dong mpok...

Eh, tapi, ngapain ye, aye ngomong-ngomongin soal BlackBerry segale macem? Padahal, ayekan kaga punya. Ape ntar kaga dimarahin ame orang yang punya BlackBerry?

Tapi aye rase, kalo cuman ngomongin yang baek-baeknye aje, boleh-boleh aje kali ye mpok? Boleh ye.. penonton ye... ye.. mpok ye? Aye boleh... kan, cerite tentang BlackBerry, walaupun aye kaga punye? Uda dah, anggep aje boleh.

Tapi mau cerite tentang apenye? Harganye? Tempat jualnye? Cara ngumpulin duit buat ngebelinye? Kaga mpok, aye cuman mau cerita dikit tentang ebook BlackBerry yang sedang aye bace.

Ceritenye nih mpok, aye sedang berkhayal, kalo suatu hari nanti, disuatu pagi yang sunyi dan sepi, seiring terbitnya mentari pagi, dan burung-burung yang bernyanyi, akhirnye aye punya duit yang cukup buat ngebeli tuh BlackBerry. Ooohh... endahnye...

Nah, didalam khayalan aye itu, terlihatlah sesosok manusie yang sedang kebingungan. Ditangannye, terlihat seonggok benda yang baru dibelinye. Dan coba tebak mpok, benda ape yang berade ditangannye ntu? Yup, bener mpok, sebuah BlackBerry. Tapi, ape yang membuatnye bingung?

Di khalayan aye ntu, sesosok manusia tadi, merase bingung, karena die kaga tau ape yang harus diperbuatnye dengan BlackBerry ntu. Die kebingungan, karena ternyate BlackBerry ntu, punya begitu banyak tombol dan menunye. Dia kaga tau harus pencet yang mane, dan die juga kaga tau kenape die harus memencetnye.

Kasian juge aye ngeliatnye. Padahal, kalo saje die mao membaca buku manual yang disertakan dengan BlackBerry ntu, mungkin die akan mendapat banyak petunjuk.

Setelah cukup lama berada dalam kebingungan dan keluguan yang luar biasa, akhirnye aye putuskan untuk menghentikan dan menutup khayalan aye ntu.

Sebab kenape? Sebab aye udah kaga tahan, dan amat sangat kasian melihat sosok yang sedang kebingungan ntu. Dan begitulah, akhirnye aye memutuskan untuk menghentikan khalayan yang memalukan itu.

Lalu? Lalu aye memutuskan untuk mencari ebook yang rasa-rasanye dulu pernah aye download. Yang kalo aye kaga salah inget, ebook ntu isinye tentang segala macem perbuatan yang bise kite laku'in terhadap Blackberry. Kenape ingin mencari ebook itu? Sebab aye kepengen membantu sosok yang berada dalam khayalan aye tadi.

Aye kaga tega, ngeliatnye terus-terusan kebingungan seperti ayam yang nelen karet. Aye kepingin sekali ngebantunye. Sebab ntulah aye mencari ebook tentang BlackBerry yang pernah aye punye. Aye berharap, melalui isi ebook ntu, kali aje aye bisa ngebantunye.

Dan akhirnye, ebook ntu ketemu juge. Setelah aye baca-baa, isinye ternyate sangat lengkap dan menarik juge. Saking menarik dan lengkapnye, aye jadi kepingin menuliskannye di blog ini. Sebab, setelah aye coba cari-cari di Google, ternyate belon ade tuh, tutorial tentang BlackBerry yang berbahase Indonesia, ape lagi yang bahase Betawi.

Nah, dengan harapan ingin diangkat sebagai bapak BlackBerry Indonesia ntulah, akhirnye aye punya niat kepingin nulis tutorial Blackberry. Sape tau aje ade yang tertarik, dan akhirnye kasian same aye, lalu ngasih duit buat beli tuh BlackBerry. Kan lumayan mpok.

Sejarah BlackBerry

Baeklah mpok, sekarang coba kite dengerkan, ape kate sipenulis ebook ini tentang sejarah dari BlackBerrry. Menurut die, BlackBerry itu punya banyak kelebihan, jika dibandingkan dengan phone-cell biasa (ya iyalah, masak ya iya dong).

Menurut die, BlackBerry ntu dulunye dibuat sewaktu Palm Pilot masih menguasai, dan merajai dunia PDA. Ape mpok tau ape yang dimaksud dengan Palm Pilot ntu? Same mpok, aye juga kaga tau tuh.

Tapi aye pernah denger-denger, katenye Palm Pilot ntu adalah sejenis software yang biasa digunakan pada PDA. Palm Pilot ntu biasanye menggunakan Touch Screen, dan alat semacem pena yang berfungsi untuk mengakses berbagai menu dan software yang ade di PDA.

Nah, pada masa kejayaan Palm Pilot ntu, orang-orang yang tergabung dalam Research In Motion (RIM), sedang sibuk merancang BlackBerry di laboratoriumnye. Mereka pengen mendobrak metode input yang sedang populer saat itu. Mereka sedang merancang sebuah produk PDA yang memiliki keyboardnya sendiri.

Dan akhirnye bener mpok, mereka bener-bener berhasil menempatkan keyboard QWERTY pada produk PDA. Mpok tau kan, ape yang dimaksud dengan keyboard QWERTY ntu? Yup, bener mpok. Keyboard QWERTY ntu sama dengan keyboard yang terdapat dalam setiap komputer.

Yang aye maksud same dengan keyboard komputer disini, tentu aje adalah dalam hal susunan dan fungsinye. Jadi, bukan ukurannye mpok. Dan bukan ntu aje, selain menambahkan keyboard, mereka juga menambahkan kemampuan untuk mengakses email pada produk PDA ntu.

Tapi kenape email? Pada jaman ntu mpok, kebutuhan akan email dan akses internet sedang mengalami peningkatan yang sangat drastis. Saat ntu, orang-orang dari kalangan bisnis dan pemerintahan, mulai menyadari kedahsyatan media internet dengan emailnya.

Kehadiran internet dan email, telah mengubah segalanya. Email dan internet telah mengubah cara mereka dalam melakukan bisnis dan berkomunikasi. Mulai saat ntu mpok, bagi mereka, internet dan email sudah menjadi kewajiban yang kaga boleh ditinggalkan.

Dan karena sadar akan hal ntulah, yang membuat pihak RIM berupaye dengan segale macem care, biar produk PDA-nye mampu memenuhi kebutuhan dari kalangan profesional. Mereka terus berupaye melengkapi BlackBerry dengan segale kemampuan dan kecanggihannye.

Mulai dari soal kenyamanan, ampe soal keamanan. Semuanye udah diperhitungkan dan dirancang sebaek-baeknya. Dan begitu deh mpok, akhirnye terciptalah BlackBerry seperti yang kite kenal saat ini. Eh, ape iye kite udah kenal dengan yang namenye BlackBerry?

Mungkin belon ye mpok ye. Dan karena kepengen kenal ntulah, yang membuat aye jadi punya niat buat menulis artikel seri tentang BlackBerry ini. Siape tau aje bisnis internet kite akhirnye lancar. Yang artinye, kite nanti bakal sangat amat tergantung dengan yang namenye akses internet dan email, dimana pun dan kapan pun kite berade.

Dan kalo kite kaga siap dari sekarang, bisa jadi kite bakal kelabakan nantinye. Siape tau, dengan mempelajari BlackBerry ini lebih awal, kite jadi lebih bisa memanfaatkan teknologinye, untuk menunjang karir dan bisnis internet kite, betul kaga mpok?

Nah, kalo mpok juga tertarik dengan teknologi BlackBerry ini, aye saranin mpok untuk sering-sering nengokin blog aye ini. Siape tau mpok bisa mendapatkan sesuatu yang berguna disini, ok mpok?