Apakah kamu salah satu pengguna Yahoo? Jika kamu sering menggunakan internet, maka sangat mungkin kamu adalah salah satu pengguna Yahoo. Yahoo adalah salah satu situs yang paling populer di internet. Yahoo lebih banyak dan lebih sering dikunjungi orang dari pada situs-situs besar lainnya, seperti AOL, Google, Amazon, atau eBay, atau situs manapun yang ada di internet.

Diperkirakan lebih dari 237 milyar orang yang berasal dari 25 negara yang berbeda selalu mengunjungi Yahoo! setidaknya satu bulan sekali. Maka, sangat mungkin jika kamu adalah salah satunya. Tapi, apakah kamu mengetahui semua hal yang bisa kamu lakukan di Yahoo? Apakah kamu mengetahui semua layanan yang diberikan oleh Yahoo?

Nah... sodare-sodare (balik Betawi lagi dah) tuh die paragraph pembuka yang berasal dari buku yang ane pamerin... ah salah lagi... ma'af... maksud ane buku yang ane ceritai'in kemarin. Ceritenye nih, ane kepingin ngelanjutin cerita ane mengenai buku ntu, boleh kaga neh? Awas ye... kalo kaga boleh! Ntar ane ngambek lho!

Yahoo Secara Umum

Eh.. bang Haji... ape ente sering pake Yahoo? Tapi... ape ente tahu sejarahnye Yahoo? Ape... Kaga tahu? Emang... buat ape sih kite pake harus tahu sejaranye Yahoo segale pak Ustadz? Nyang penting ntu kan tahu care makeknye, bukan sejarahnye, betul kaga nih pak Ustadzi?

Emang betul bang Haji... kaga penting-penting amat kite tahu sejarahnye Yahoo, akan tetapi... sape tahu aje ntar ade nyang tanye-tanye, anak cucu kite mungkin, ato pare tetangge. Nah... untuk jage-jage nih bang Haji ye, nyok kite dengerin dongeng mengenai asal muasal terbentuknya Yahoo!

Sejarah Yahoo!

Ceritenye nih bang Haji... Yahoo itu mulai dibuat pada bulan January 1994 oleh dua orang mahasiswa Universitas Standford, nyang namenye David Filo ame Jerry Yang. Ide awalnye sih cuman hobby, mereka kepengen menyimpen data situs-situs favorite mereka di internet. Ntu mereka lakukan dengan tujuan agar mereka bisa dengan mudah melacak dan nemu'in lagi situs-situs tersebut nantinye.

Ceritenye nih... mereka kumpulin semue halaman web dari berbagai situs yang mereka temui di internet. Halaman-halaman web ntu mereka kelompokkan menjadi berbagai kategori. Karena hobby, maka tanpe terase makin hari tuh makin bejubel aje halaman nyang berhasil mereka kumpulin, dan semakin hari semakin berkembanglah hobby mereka tersebut.

Lama kelamaan, tanpe terase dan tanpe mereka sadari, hobby mereka ntu semakin banyak menyita waktu mereka. Namun seiring bertambahnye usie, berati semakin bertambah pule kesibukan mereka. Maka Filo dan Yang memutuskan untuk membuat sebuah database khusus buat ngumpulin dan nge-link-in halaman-halaman web favorit mereka, lalu database tersebut mereka buat agar bisa diakses oleh siape aje secara gratis di internet.

Kemudian mereka memberi nama database itu dengan nama Yahoo! nyang sebenernye berasal dari singkatan Yet Another Hierarchical Officious Oracle (tau dah apa'an artinye). Sekitar setahun kemudian, karena punya permasalahan dengan daya tampung yang sudah tidak lagi mencukupi, akhirnye mereka memindahkan situs mereka dari servers yang ada di Universitas Standford, ke servers nyang punya daya tampung lebih besar, yaitu di Netscape Communications Corporation.

Singkat cerite.... tahun 1995, Yang dan Lilo mulai melihat ade sisi komersil yang sangat menggiurkan dari ape nyang telah mereka perbuat selame ini. Semenjak ntu, mereka mulai menerima berbagai tawaran-tawaran bisnis. Dan akhirnye ape bang Haji? Yahoo! benar-benar menjadi pekerjaan dan bisnis mereka sepenuh waktu, alias full time business. Dan terus berkembang ampe sekarang, dan akhirnye... jadilah Yahoo! seperti nyang sekarang ini. Nah... bang Haji... begitulah legenda asal muasal terciptanye Yahoo!

Kaga nyangke ye pak Ustadz... dari sekedar hobby, dari sekedar ide nyang sederhane, akhirnye jadi bisnis nyang merajai dunie. Ape ye kire-kire pelajaran nyang bise kite ambil dari mengetahui sejarahnye Yahoo ini pak Ustadz? Oh... ini nih kali... bahwa Filo dan Yang ntu adalah dua orang mahasiswa, betul kaga pak Ustadz?

Betul bang Haji! Trus apelagi bang Haji? Bahwa mereka punya hobby nyang waktu ntu masih rada aneh, betul begitu pak Ustadz? Ntu barangkali juga betul bang Haji! Trus apelagi bang Haji? Bahwa mereka akhirnya jadi males kuliah dan akhirnye memutuskan untuk berhenti kuliah karena keasyikan dengan hobby mereka? Nah.. kalo nyang ini kaga betul bang Haji.

Mengenal Yahoo! Homepage

Tapi.. pak Ustadz... ape ente sering merati'in halaman depan (atawa biase disebut dengan home page) nyang ade di Yahoo? Iye! Emang kenape bang Haji? Kaga ape-ape Tadz... cuman ane sering bingung kalo negeliat halaman ntu, koq buanyak amat linknye ye? Ane jadi pusing mao milih nyang mane, dan kaga tahu ape gunenye. Ooo...h.. itu toh masalahnye bang Haji....

Emang iye sih bang Haji, halaman depan atawa home page Yahoo! ntu emang rada penuh sesak dengan berbagai link. Ane juga kadang suka ngerase pusing, mual dan mo muntah kalo sering-sering ngeliatnye. Ape lagi kalo ngeliatinnye pas perut lagi keroncongan. Tapi sebenernye nih pak Ustadz... home page Yahoo! ntu cuman me-link kebeberape layanan utame nyang diberikan oleh Yahoo!

Misalnye, pade bagian atas kite bisa melihat beberape icon nyang bentuknye bulet alias bunder, nah... nyang bulet-bulet ntu bang Haji ye... ntu sebenernye adalah link yang merujuk ke beberape service atau layanan nyang diberikan oleh Yahoo! Yaitu: My Yahoo!, Yahoo! Finance, Yahoo! Shop, Yahoo! Mail, Yahoo! Messenger, and Yahoo! HotJobs. Klik aje tuh icon, kalo bang Haji mo mengakses layanannye.

Oh... gitu toh pak Ustadz... nah kalo tab-tab nyang dibawah logo dan diatas kotak untuk masukkin kata nyang ingin dicari ntu... buat apa'an tuh pak Ustadz? Ooo... kalo nyang ntu buat mengganti mode pencarian bang Haji. Mode pencarian nyang disedia'in oleh Yahoo! ntu ade empat macem, yaitu Web (default), Images, Yellow Pages, and Products.

Ntu gunenye kalo bang Haji pingin nyari halaman web, gambar atau images, nyari iklan nyang ade di Yellow Pages, ato nyari produk-produk tertentu. Bang haji tinggal klik tab nyang sesuei dengan kebutuhan bang Haji sendiri... gitu bang Haji. Nah kalo kolom-kolom nyang dibawahnye ntu buat apa'an pak Ustadz?

Kalo kolom nyang sebelah kiri atas ntu bang Haji... ntu untuk me-link layanan-layanan Yahoo! nyang lainnye. Sedangkan nyang sebelah kiri bawahnye adalah link nyang merujuk ke layanan Yahoo! nyang bersifat premium atawa bisnis. Bang Haji tahu kan artinye Premium?

Tahu dong pak Ustadz, gini-gini juge ane sering koq pake nyang premium, bukan nyang eceran aje. Maksud bang Haji? Iye... ane kan sering juge beli premium di pom bensin. Waduuuh... kaga nyambung nih bang Haji. Nyang dimaksud layanan premium di Yahoo! ntu bang haji, kaga same dengan premium nyang ade di pom bensin. Layanan premium di Yahoo! artinye layanan ntu kaga gratisan, alias kudu bayar kalo mao manfaatinnye.

Baeklah... kite terusin aje lagi bang Haji ye...Nah... untuk kolom dibawahnya lagi (masih di sebelah kiri), ntu adalah link-link nyang merujuk ke direktori Yahoo! Direktori Yahoo! pak Ustadz? Ape direktori di Yahoo! ntu same prinsipnye dengan direktori nyang ade di komputer kite? Iye ji... masih ingat cerite kite tentang sejarah Yahoo? Nah direktori Yahoo! ntu, salah satu cikal bakal layanan nyang ade di Yahoo!

Di dalam direktori itu, terindex berbagai situs nyang ade di internet. Direktori Yahoo! mengelompokkan dan mengindeks berbagai situs yang ade di internet menjadi beberape kategori utame. Dari kategori-kategori utame ntu, lalu dibagi-bagi lagi menjadi beberapa sub kategori lagi. Gunenye buat apa'an pak Ustadz?

Gunenye? Buuuanyak sekali ji. Terutame buat para pebisnis nyang kepingin memanfaatkan internet sebagai media pengembangan bisnisnye. Para pebisnis, atawa orang-orang nyang ingin mencari bisnis-bisnis tertentu, biasanye memanfaatkan direktori ini untuk mencari bisnis nyang mereka inginkan. Ntah apakah mereka ingin mencari partner, pesaing, distributor, atau ape aje nyang berhubungan dengan bisnis mereka.

Wah... ntu artinye bagus juge direktori ntu buat bisnis ane ye pak Ustadz ye? Nah, sekalian aje ane mao tanye nih pak Ustadz, ape bisnis kerajinan tangan ane bisa juge masuk dan terdaftar di Direktori Yahoo? Tentunye dengan harapan, begitu ade orang nyang kebetulan lagi nyari produk nyang ane jual, maka ntu orang akan tahu kalo ane puya produk nyang dicarinye. Ntu artinye bisnis ane bakal dapet pelanggan dari situ, betul kaga nih pak Ustadz?

Betul kali bang Haji ini... otak bisnisnye cepet banget nangkepnye. Tentu aje bisa bang Haji... bisnis ape aje bise masuk dan terdaftar di direktori Yahoo! Asalkan tahu carenye. Kite lanjutin lagi nih ji... nah kalo kolom nyang disebalah kanan ntu, khusus disedia'in berita-berita terbaru dan informasi berbegai produk.

Gitu deh Ji... Eh... ngomong-ngomong... kayaknye udah masuk lohor nih Ji, kite stop dulu aje ye ceritenye. Besok-besok kite sambung lagi cerite mengenai berbagai layanan yang ada di Yahoo!. Iye deh Tadz, perut ane juga udah keroncongan neh.